O Comité Central da Frente Popular Galega deseñou a finais do pasado 2009 e agora ven de convocar o chamado Proceso de debate FPG2010.

 

Tras unha profunda análise realizada no máximo órgano entre Congresos da nosa organización tomouse a decisión de realizar ao longo de todo este ano un proceso amplo de debate e reflexión internos no que se proceda a unha mobilización xeral das nosas bases militantes para, coa aportación de todas e todos, trazar colectivamente a nova estratexia da FPG ante a etapa histórica que estamos atravesando.

 

Este amplo proceso interno de debate e mobilización dividirase en catro tempos, coa celebración de tres Conferencias Nacionais rematando a finais de ano co noso VI Congreso Nacional.

 

Os traballos para a realización a finais de febreiro da primeira das Conferencias xa están en marcha co Relatorio Oficial rematado. En breve daremos máis información sobre esta primeira Conferencia Nacional.

 

Desde a FPG estamos convencidas e convencidos que tras este ambicioso programa de reflexión colectiva o noso Partido sairá máis fortalecido e disposto a novas batallas pola independencia nacional e o socialismo.